Gol në stadiumin “Skënderbeu”/ Është Tirana që barazon Skënderbeun

Skënderbeu-Tirana 1-1

Shënues: Nasr 35’ / Ndreca 52’

SKËNDERBEU: Alia; Ramos, Prençi, Shaqe, Dumfur, Sabo, Estrela, Lukuinjas, Nikaj, Nasr, Bismark Trajner: Ernest Gjoka

TIRANA: Selmani, Mici (Haxhiu 46’), Dembele, Kola, Vera, Përgjoni, Smaçi, Soler, Rafael (Prengaj 46’), Ndreca, Zharmuni Trajner: Bledi Shkëmbi

Kartonë të verdhë: Nikaj / Ndreca

Minutat e para kanë nisur me vrull nga të dyja skuadrat, ndërkohë që stadiumi “Skënderbeu” ka në shkallët e tij më shumë sportdashës se asnjëherë tjetër në këtë superligë.

Të dyja skuadrat kërkojnë të fitojnë terren dhe është Skënderbeu që këmbëngul me 2-3 momente të mira, por më i miri është ai i Saleh Nasr në minutën e 9-të, por Selmani shpëton portën me grushtimin e topit në këndore.

Skënderbeu në minutën e 17-të humbet një rast të pastër shënimi, ku Nasr bën mirë nga e majta dhe dy sulmuesit e tjerë të Skënderbeut, pas krosimit në zonë nuk e devijojnë dot për në rrjetë, duke humbur një mundësi të shkëlqyer shënimi të golit.

Rasti i radhës do të ishte sërish për Skënderbeun në të 24-ën minutë, teksa Nikaj gjuan dhe Selmani bën mrekullinë duke e dërguar topin përsëri në këndore.

Në të 33-ën minutë vjen një rast i dyshimtë goli për Skënderbeun. Estrela gjuan fuqishëm, pret Selmani, topi përfundon në shtyllën e djathtë pingule dhe futet në lojë dhe për këtë protestojnë bardhekuqtë duke kërkuar gol, por asgjë për gjyqtarin Jorgji që thotë se topi nuk kishte kaluar vijën e portës.

Dy minuta më vonë dhe pikërisht në të 35-ën minutë Skënderbeu këtë herë nuk fal. Nasr del bukur në krahun e majtë, gjuan dhe 1-0 për Skënderbeun.

Pjesa e parë mbyllet pa raste të tjera me avantazhin e vendasve

Në startin e pjesës së dytë është Tirana që kryen dy zëvendësime, ndërkohë që loja është e qetë në 5 minutat e para të kësaj pjese të dytë, pa raste konkrete në zonat respektive.

Duhet të vinte minuta e 52-të, moment kur Tirana barazon në 1-1. Goditje dënimi për Tiranën, ballore dhe është Ndreca që e dërgon topin në rrjetë, duke barazuar shifrat në 1-1. Ka heshtje në stadiumin juglindor.

Minutat dhe rastet e pjesës së parë

9’ – Rasti i parë i ndeshjes i takon Skënderbeut, ku Nasr për pak sa nuk shënon në hyrje të zonës, por grushton portieri bardheblu dhe vetëm këndore.

17’ – Sërish Skënderbeu me anë të Nasr që fut një top të saktë në zonë dhe as Nikaj, as Bismark nuk arrijnë ta shtyjnë për në kuadrat.

24’ – Estrela shërben për Nikaj në zonë që gjuan me kokë dhe sërish Selmani grushton për në këndore.

33’ – Skënderbeu pretendon për gol në këtë minutë. Është Estrela që gjuan dhe devijon Selmani, prek topi shtyllën e djathtë dhe futet në lojë. Bardhekuqtë pretendojnë për gol, por sipas gjyqtarit dhe VAR-it nuk është gol.

35’ – Atë që Skënderbeu nuk e bëri dy minuta më parë është Nasr që e bën realitet në të 35-ën minutë. Egjiptiani del bukur në zonë, gjuan dhe 1-0. Ka festë të madhe në stadiumin “Skënderbeu” për golin e avantazhit.

Minutat dhe rastet e pjesës së dytë

52’ – Goditje dënimi për Tiranën. Është Ndreca që gjuan saktë dhe barazohen tashmë shifrat në 1-1.

 “KORÇA BOOM”