I mbani mend? Plot 10 vite më parë kosovarët që shkëlqyen me Skënderbeun

Vitet kalojnë dhe tashmë jemi në pritjet e fundit të dënimit 10-vjeçar të Skënderbeut nga UEFA. Në shkurtin e 2027-ës Skënderbeu do të mbyllë dënimin, ndërkohë që në qytetin juglindor të gjithë nuk harojnë vitet e lavdishme të atij Skënderbeu të madh kampion dhe super ekipi në Europë.

Sot po sjellim foton e mëpshtme, foto që në fakt mund të cilësohet made-in Kosova. Kanë qenë prej shumë e shumë vitesh kosovarët që Skënderbeu nuk i ka ndarë asnjëherë dhe thuajse pjesa më e madhe e tyre kanë shkëlqyer me fanelën badhekuqe.

Në këtë foto të shkrepur fiks 10 vite më parë, vijnë kosovarët e mirënjohur, që nga Bajram Jashanica, Bernard Berisha, Leonit Abazi, apo edhe Liridon Latifi. Të gjithë këta emra kanë shkëlqyer me fanelën e Skënderbeut dhe kanë qenë titullarë të Skënderbeut.

Plot një dekadë nga shkrepja e kësaj fotoje, ndërkohë që në këtë qytet presin që ta rishohin edhe njëherë Skënderbeun e madh të atyre viteve, që sigurisht do të rikthehet.

Forca Skënderbe!

 “KORÇA BOOM”