Statistikat flasin për Laçin, por Skënderbeu kërkon të thyejë “tabunë”

Në prag të ndeshjes së sotme të orës 15:00 ku Skënderbeu do të ketë përballë Laçin në transfertë vijnë edhe statistikat, të cilat flasin për ato që kanë prodhuar përballjet mes ekipeve. Dueli i sotëm është nga ato ndeshje që meriton vëmendje të veçantë dhe që të dy ekipeve u duhen pikët.

Avantazhi i Laçit është fusha, pasi në shtëpi kurbinasit e kanë të vështirë të mposhten nga të gjitha ekipet e tjera. Këtë herë është Skënderbeu mysafir dhe të dy ekipet kanë si objektiv të shpëtojnë nga rënia e superligës.

Statistikat e 6 viteve të fundit dhe më konkretisht 10 duelet e fundit Laçi-Skënderbeu, flasin për një dominim të vendasve që kanë më shumë fitore. Në këtë mënyrë, kurbinasit në 10 ndeshjet e fundit kanë 5 fitore, 3 ndeshje kanë përfunduar në barazim dhe vetëm 2 herë ka fituar Skënderbeu.

Një tjetë e veçantë është fakti se përballjet mes këtyre dy ekipeve nuk prodhojnë gola të shumtë, pra takimet mbyllen me pak gola. Skënderbeu ndeshjen e fundit që ka fituar në Laç është e marsit të vitit 2024, takim që u mbyll me fitoren e Skënderbeut 1-0 dhe golin trepikësh e shënoi Ardit Nikaj në minutën e 90-të të ndeshjes.

Të shohim dhe të presim çfarë do të na dhurojë takimi i sotëm, ndeshje që mund të cilësohet si jetike për të dyja skuadrat.

10 ndeshjet e fundit të duelit Laçi-Skënderbeu:

30.11.2024 Laçi-Skënderbeu 1-0

01.03.2024 Laçi-Skënderbeu 0-1

08.10.2023 Laçi-Skënderbeu 2-0

13.03.2022 Laçi-Skënderbeu 0-0

30.10.2021 Laçi-Skënderbeu 2-0

13.05.2021 Laçi-Skënderbeu 0-0

20.01.2021 Laçi-Skënderbeu 1-1

03.02.2020 Laçi-Skënderbeu 1-0

28.08.2019 Laçi-Skënderbeu 1-2

20.04.2019 Laçi-Skënderbeu 1-0

 “KORÇA BOOM”