Tërmetet në Santorini: Frika për më të keqen, rreziku i tsunamit dhe aktivitetit vullkanik

Santorini është tronditur nga një aktivitet sizmik i shtuar, duke shkaktuar frikë tek shkencëtarët dhe banorët. Më 9 shkurt, një tërmet me magnitudë 5 ballë u ndje deri në Athinë, duke ngritur shqetësime për një përkeqësim të situatës. Ekspertët vërejnë se rajoni është në një fazë delikate gjeofizike, ku mund të ketë lëkundje të tjera me forcë 5-6 ballë. Nëse kjo ndodh, pasojat mund të përfshijnë rrëshqitje të dheut, çarje masive, madje edhe një cunami të vogël.

Disa paralajmërojnë se situata mund të jetë e ngjashme me tërmetin katastrofik të vitit 1956, ndërsa qeveria greke ka marrë masa për t’u përballur me skenarin më të keq. Ekspertët rekomandojnë durim për të paktën dy javë për të kuptuar më qartë evolucionin e aktivitetit sizmik në Santorini dhe ishujt përreth.

Në fillim të kësaj periudhe sizmike, u parashtruan tre skenarë për zhvillimin e mundshëm të ngjarjeve. Skema më e pafavorshme, e cila supozonte një tërmet 6 ballë me lëkundje parasizmike, tani duket më pak e mundshme. Por, nëse një tërmet e kalon këtë magnitudë, ai do të shkaktonte dëme të konsiderueshme, rrafshime ndërtesash dhe ndoshta humbje jetësh. Skenari më i frikshëm do të ishte riaktivizimi i vullkanit të Santorinit, i cili ka shpërthyer për herë të fundit në lashtësi, duke krijuar ishujt vullkanikë të zonës.

Shkencëtari Athanasios Ganas, drejtor i Kërkimeve në Institutin Gjeodinamik të Athinës, beson se ky është një zinxhir tërmetesh që po shuhen. Ai thekson se aktiviteti sizmik tashmë është zhvendosur drejt Anhidrës dhe nuk pritet të vazhdojë me të njëjtën intensitet. Sipas tij, energjia e çliruar nga tërmetet e fundit është e barasvlershme me një tërmet 6 ballë, duke sugjeruar se presioni në nëntokë është ulur.

Në anën tjetër, presidenti i OASP-së dhe gjeologu Efthimios Lekkas ka përshkruar tre skenarët e mundshëm. I pari është që fenomeni të vazhdojë në të njëjtën formë me tërmete mesatare, i dyti është një tërmet 5.5-5.7 ballë që nuk do të shkaktonte dëme serioze, ndërsa i treti – më i rrezikshmi – do të ishte një tërmet mbi 6 ballë, i cili do të kishte pasoja katastrofike. Komiteti i Rrezikut Sizmik dhe Vullkanik ka diskutuar edhe mundësinë e një tërmeti 6.2 ballë.

Skenari më i keq do të ndodhte nëse një tërmet i fortë do të godiste Santorinin, duke shembur ndërtesa dhe shkaktuar viktima. Ky skenar, ndonëse konsiderohet më pak i mundshëm, nuk mund të përjashtohet plotësisht. Ekspertët theksojnë se natyra mbetet e paparashikueshme dhe se vullkani i Santorinit, edhe pse në gjendje joaktive, përbën një kërcënim të heshtur.

Me mbi 11 mijë lëkundje sizmike të regjistruara që nga fillimi i këtij aktiviteti, situata mbetet e ndjeshme. Autoritetet dhe komuniteti shkencor po e monitorojnë nga afër këtë fenomen për të minimizuar rreziqet dhe për të marrë masat e nevojshme për sigurinë e popullatës.

Santorini has been shaken by increased seismic activity, raising concerns among scientists and residents. On February 9, a 5.0-magnitude earthquake was felt as far as Athens, sparking fears of a worsening situation. Experts note that the region is in a delicate geophysical state, where further tremors of 5-6 magnitude could occur. If this happens, consequences may include landslides, massive cracks, and even a small tsunami.

Some warn that the situation could resemble the catastrophic earthquake of 1956, while the Greek government has taken measures to prepare for the worst-case scenario. Experts recommend patience for at least two more weeks to better understand the evolution of seismic activity in Santorini and the surrounding islands.

 “KORÇA BOOM”