VOLEJ FEMRA/ Sot dueli i fundit i fazës së parë. Skënderbeu gati të “kafshojë” edhe Tiranën!

https://sq.korcaboom.com/wp-content/uploads/2024/10/463930398_10234566505289688_8220660445186244951_n.jpg

Skënderbeu sot luan ndeshjen e fundit të fazës së parë në kampionatin kombëtar në volejboll për femra, ndërkohë që pas 6 javëve të para dhe pas 6 fitoreve radhazi është radha që skuadra e Orlando Kojës të luajë edhe përballjen e fundit me Tiranën, një tjetër skuadër e fortë dhe pretendente për vendet e kreut.

Pikërisht sot në orën 18:00 në kryeqytet luhet ndeshja Tirana-Skënderbeu dhe Skënderbeu është gati ta mposhtë edhe Tiranën dhe të konfirmojë se është skuadra për t’u mundur dhe gati për të qenë kampione e padiskutueshme këtë sezon.

Në javën e kaluar me Partizanin, bardhekuqet e rrjetës treguan se nuk kanë rivalë në këtë sezon, por është Tirana sot pengesa e fundit e konfirmimit të kreut.

Me 18 pikë të plota, Skënderbeu është përgatitur që ta fitojë edhe duelin e sotëm, ndërkohë që me mbylljen e javës së 7-të mbyllet faza e parë, teksa kampionati do të rikthehet sërish në fundin e janarit të vitit të ardhshëm.

Sigurisht që vajzat e Skënderbeut janë gati të bëjnë detyrën edhe sot dhe prandaj nuk na ngelet gjë tjetër, vetëm t’u urojmë fitore.

Suksese sot dhe me fitore Skënderbe!

Kalendari i Skënderbeut në volejboll për femra 2024-2025

FAZA I

Java 1 Skënderbeu-Teuta 3-1

Java 2 Dinamo-Skënderbeu 0-3

Java 3 Skënderbeu-Vllaznia 3-0

Java 4 Barleti Volley-Skënderbeu 0-3

Java 5 Skënderbeu-Pogradeci 3-1

Java 6 Skënderbeu-Partizani 3-0

Java 7 Tirana-Skënderbeu                       25 tetor 2024          Ora 18:00

FAZA II

Java 8 Teuta-Skënderbeu                       31 janar 2025         Ora 14:00

Java 9 Skënderbeu-Dinamo                    8 shkurt 2025         Ora 17:00

Java 10 Vllaznia-Skënderbeu                  14 shkurt 2025       Ora 14:00

Java 11 Skënderbeu-Barleti Volley       22 shkurt 2025       Ora 17:00

Java 12 Pogradeci-Skënderbeu             14 mars 2025          Ora 17:00

Java 13 Partizani-Skënderbeu                21 mars 2025          Ora 17:00

Java 14 Skënderbeu-Tirana                    28 mars 2025          Ora 17:00

REDAKTUAR nga:

“KORÇA BOOM”