VOLEJ MESHKUJ/ Skënderbeu për revansh ndaj Tiranës, të enjte dueli i shumëpritur

Skënderbeu në volejboll për femra tashmë dihet që luan të enjte në orën 17:00 ndaj Pogradecit ndeshjen e parë të “play-off”-it, ndërkohë që nuk janë vetëm femrat, pasi dy orë më vonë, në orën 19:00 është lënë të luhet ndeshja tjetër e volejbollit por për meshkuj Skënderbeu-Tirana.

Skënderbeu si skuadra më e mirë që u rendit në vendin e tretë, ka përballë në “play-off” Tiranën që u rendit një vend më poshtë, në vendin e katërt. Dhe Skënderbeu është i avantazhuar, pasi ndeshjen e parë do ta luajë në shtëpi, ndërkohë që bardhkeuqtë e drejtuar nga Trajneri Arben Prifti kanë si objektiv trofeun e titullit edhe pse është e vështirë, pasi përballë me shumë mundësi në finale do të ketë Partizanin.

Gjithsesi së pari Skënderbeu duhet të mposhttë Tiranën në gjysmëfinale dhe duhet fitorja e parë të enjte për të qenë një hap larg finales. Pas femrave të enjte luhen meshkujt dhe kërkohet një tjetër mbështetje maksimale në pallatin e sportit ndaj një Tirane që sigurisht nuk është e lehtë për tu mundur, por jo e pamundur.

Suksese Skënderbe në këtë fazë! Forca djema!

 “KORÇA BOOM”