Aksidenti në Qafë Plloçë, nëna dhe vajza 27-vjeçare përfundojnë në spital

Një 27 vjeçare ka qenë duke udhëtuar brenda këtij bypassi se bashku me nënën e saj në këtë segment që është ende kantier ndërtimi e nga pakujdesia e saj ka humbur kontrollin duke dalë nga rruga dhe rënë poshtë në njërën nga urat.

Nga ky aksident ka mbetur e plagosur drejtuesja e mjetit dhe nëna e saj që udhëtonte si pasagjere të dy te plagosurat ndodhen në spitalin e Pogradecit jashtë rrezikut për jetën.

Duhet thënë se ky segment rrugor duke qenë se është ende në ndertim e sipër nuk është i qarkullueshëm për mjetet që dalin nga Pogradeci ashtu e për të tjerët që vijnë nga Korça ne drejtim te këtij qyteti

Herë pas here policia e qarkullimit rrugor ka qenë e detyruar të kontrollojë segmentin në hyrje dhe dalje.

Njoftimi i policisë:

Pogradec/ Informacion paraprak

Rreth orës 14:35, në aksin rrugor "Pogradec-Korçë", shtetasja D. M., 27 vjeçe, duke drejtuar automjetin tip "Ford" dyshohet se ka humbur kontrollin mbi drejtimin e tij, dhe si pasojë automjeti ka dalë nga rruga.

Nga aksidenti është dëmtuar drejtuesja e mjetit shtetasja D. M., dhe nëna e saj pasagjere në mjet, të cilat po marrin mjekim në spital, në gjendje jashtë rrezikut për jetën.

Grupi hetimor po punon për sqarimin e rethanave të aksidentit.

“KORÇA BOOM”