top of page

Bakayoko i jep fitoren Egnatias, Tirana mbetet në fund të tabelës

  • Writer: Korca Boom
    Korca Boom
  • 54 minutes ago
  • 1 min read

Egnatia ka marrë një fitore të rëndësishme në transfertë kundër Tiranës, në ndeshjen e javës së 13-të të Superiores. Takimi i zhvilluar në stadiumin “Selman Stërmasi” u mbyll me rezultatin 0-1.


Goli vendimtar u shënua në minutën e 27-të nga Bakayoko, i cili realizoi saktë nga pika e bardhë, duke i dhënë epërsinë kampionëve në fuqi. Tirana u mundua të reagonte sidomos në pjesën e dytë, duke ushtruar presion në 20 minutat e fundit, por pa arritur të gjejë rrugën e rrjetës.


Me këtë fitore, Egnatia shkon në 25 pikë dhe mban vendin e dytë në renditje. Tirana vazhdon të mbetet në fundin e tabelës me vetëm 7 pikë pas 13 javësh.


Ndërkohë, ndeshja tjetër e ditës mes Bylisit dhe Dinamos, e luajtur në Ballsh, u mbyll në barazim 0-0. Të dy skuadrat tentuan golin, por pa sukses. Dinamo humb terren në luftën për titull, ndërsa Bylisi shkon në 13 pikë, duke qëndruar në zonën e play out.

"KORCA BOOM"

ree

bottom of page