Barazim që “shijon” si fitore, Dinamo ia del në “Elbasan Arena” dhe kualifikohet në fazën e 3-të të Conference League

Pas fitores 1-2 në Andorrë, Dinamo ka barazuar mbrëmjen e sotme në duelin e kthimit përballë Atletic Escaldes. Sfida e vlefshme për fazën e dytë të Conference League, përfundoi 1-1.

Golin për dinamovitët e Ilir Dajës e shënoi Baton Zabërgja në minutën e 18-të. Ndërkohë që për miqtë rrugën e rrjetës e gjeti, Berlanga në minutën e 49-të.

Kështu, Dinamo shkon në fazën e 3-të të Conference League. Vlen të përmendet se sonte u dhanë edhe dy kartonë të kuq, nga një për secilin ekip.

Si fillim u ndëshkua Gassama i Dinamos, më pas Andrade te andorrianët.

Hajduk Split do të jetë kundërshtari i radhës për Dinamon në fazën e 3-të të Conference League. Kroatët kanë mposhtur azerët e Zira me shifrat 2-1, për të kaluar më tej në këtë kompeticio europian.

Kështu, skuadra ku aktivizohet mesfushori i Komëbtares shqiptare, Adrion Pajaziti do të përballet me Dinamon e Ilir Dajës në fazën e 3-të të Ligës së Konferencës. Një kundërshtar tepër i vështirë në letër, por të shohim ç’do të dhurojë fusha.

“KORÇA BOOM”