Dosja e SPAK: Kryetari i Bashkisë Tiranë dhe bashkëshortja, nën akuzë për shpërdorim fondesh publike

Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim në Gjykatën e Posaçme të Shkallës së Parë dosjen në ngarkim të kryebashkiakut të Tiranës, Erion Veliaj, dhe bashkëshortes së tij, Ajola Xoxa.

Në dosje përfshihen 13 akuza për Veliajn dhe 12 për Ajola Xoxën, që lidhen me marrjen e përfitimeve të parregullta, shpërdorim detyre dhe fshehje pasurish. Hetimet paraprake zbuluan se të pandehurit, në bashkëpunim mes tyre, në 9 raste të veçanta, kanë marrë para dhe pasuri të paluajtshme nga subjekte tregtare dhe organizata jofitimprurëse, të cilët përfitonin leje ndërtimi dhe fonde publike nga Bashkia Tiranë.

SPAK bën të ditur se Veliaj, si kryetar i Bashkisë, ka miratuar shpërndarjen e fondeve tek OJF-të dhe individët e afërt me bashkëshorten e tij. Përveç marrjes së përfitimeve, Veliaj dhe Xoxa akuzohen për integrimin e këtyre shumave në sistemin bankar në mënyrë të fshehtë, për blerje private dhe pagesa jashtë sistemit të ligjshëm.

Ndër veprat penale të përfshira në dosje janë:

• Korrupsioni pasiv i funksionarëve të lartë ose i të zgjedhurve vendorë,

• Pastrimi i produkteve të veprës penale,

• Mbajtja e sendeve të ndaluara në institucionet e vuajtjes së dënimit,

• Shpërdorimi i detyrës,

• Refuzimi për deklarimin ose deklarimi i rremë i pasurive,

• Fshehja e të ardhurave dhe përfitimeve të parregullta.

• 
  

Hetimi provon gjithashtu se bashkëshortja e Veliaj ka kryer blerje online dhe menaxhim të fondeve në mënyrë të fshehtë, duke përdorur të ardhurat e përfituara nga aktiviteti i kryetarit të Bashkisë.

SPAK konfirmon se veprimet e Veliaj dhe Xoxës kanë ndodhur në kushtet e konfliktit të interesit dhe me pasoja të drejtpërdrejta për interesin publik dhe shtetëror, duke përfshirë miratimin e lejeve të ndërtimit ku bashkëshortja kishte interesa pasurore.

“KORÇA BOOM”