E FUNDIT/ Skënderbeu U-18 një hap larg titullit, mposht Dinamon në kryeqytet

Ndërkohë që Skënderbeu në volejboll për femra për të rritura nuk arriti të siguronte titullin kampion, duke zhvilluar një kampionat të dobët, ndryshe po ndodh te skuadrat e tjera të volejbollit në klubin “Skënderbeu”.

Ka qenë së pari Skënderbeu U-20 në volejboll për femra që javë më parë siguroi titullin kampion, duke arritur një sukses mëse të merituar. Tashmë është radha e Skënderbeut në volejboll për femra U-18 që duket se është një hap larg titullit kampion.

Ditën e sotme në kryeqytet Skënderbeu mposhti 3-2 Dinamon dhe ky është një sukses vërtet i madh. Tashmë mbetet edhe ndeshja e kthimit që Skënderbeu të kurorëzohet me titullin kampion. Kjo ndeshje pritet të luhet të mërkurën dhe do të startojë në orën 15:00.

Ja dhe njoftimi më i fundit i klubit shumësportësh “Skënderbeu”:

Vajzat e U18 fitojnë ndeshjen e parë finale me Dinamon duke treguar edhe njëherë forcën dhe karakterin e pathyeshëm

Dinamo-Skënderbeu 2-3

Të mërkurë dt.21 ora 15:00 finalja e dytë në “Tamara Nikolla”

Një hap larg titullit kampion, të gjithë ne mbështetje të ekipit

Forca Skënderbe!

“KORÇA BOOM”