Egnatia drejt afrimit të mbrojësit të korçarëve– Bisedimet në fazë të avancuar

Egnatia ka shfaqur interes të fortë për mbrojtësin e majtë Klevis Shaqe, i cili aktualisht është nën kontratë me ekipin e Skënderbeut. Burime pranë klubit bëjnë me dije se bisedimet mes palëve kanë nisur dhe tashmë ndodhen në një fazë të avancuar.

Shaqe shihet si një përforcim i rëndësishëm për krahun e majtë të mbrojtjes, ndërsa stafi teknik i Egnatias e vlerëson atë për cilësitë fizike dhe eksperiencën në kampionatin vendas. Megjithatë, pengesa kryesore që po vonon finalizimin e marrëveshjes lidhet me aspektin financiar konkretisht me kompensimin që i duhet paguar Skënderbeut, pasi lojtari është ende nën kontratë me klubin korçar.

Nëse palët arrijnë të gjejnë gjuhën e përbashkët për këtë çështje, kalimi i Shaqes te Egnatia pritet të zyrtarizohet në ditët në vijim.

“KORÇA BOOM”