EKSKLUZIVE / Firmos për Skënderbeun edhe talenti nga Greqia…!

Ka disa javë te Skënderbeu dhe më së fundi vjen edhe një firmë në kontratën e re për Skënderbeun. Bëhet fjalë për Dejvid Janaqi, mesfushorin që jo vetëm e ka kaluar provën, por ka treguar cilësi shumë të mira dhe tashmë ka veshur zyrtarisht edhe fanelën e Skënderbeut.

Futbollisti 20-vjeçar, që ka dy nënshtetësi, shqiptare dhe greke, ka shfaqur vërtet talent dhe duhet përmendur që për vite me radhë është pjesë e kombëtareve të Shqipërisë nga mosha 16-të deri 21-vjeçare.

Në fakt, mesfushori i talentuar ka qenë edhe titullar në disa ndeshje miqësore dhe tashmë mendohet të jetë një forcë më shumë për këtë Skënderbe.

Dejvid Janaqi është rritur në akademinë e Apollon dhe së fundi ka qenë pjesë e Apollon Smyrnis.

Ishte futbollisti i fundit që nuk kishte firmosur te Skënderbeu, pra Dejvi Janaqi e ka mbyllur dhe tani mund të quhet bardhekuq.

Suksese mesfushorit Janaqi…!