EKSKLUZIVE/ Ardit Nikaj drejt largimit! Ekipi i i Ermir Rashicës ofertë sumuesit të Skënderbeut!

Sulmuesi i ri shkodran, Ardit Nikaj, që aktualisht është pjesë e Skënderbeut, ndodhet pranë një ndryshimi të rëndësishëm në karrierën e tij. burime pranë klubit korçar bëjnë të ditur se Nikaj është shumë pranë largimit nga skuadra, pasi ka interes serioz për të nga jashtë shqipërisë. Bëhet fjalë për një mundësi që do të përfaqësonte aventurën e tij të parë ndërkombëtare.

Ardit Nikaj është një nga elementët më premtues të brezit të ri të futbollistëve shqiptarë. ai ka qenë pjesë e kombëtares shqiptare të moshës deri në 21 vjeç dhe ka treguar potencial të lartë në kampionatin vendas, sidomos gjatë sezonit të fundit me fanellën e Skënderbeut. paraqitjet e tij të qëndrueshme dhe ndjeshmëria në repartin ofensiv kanë bërë që disa skuadra të huaja të shfaqin interes për të.

Nga informacionet që qarkullojnë, më konkret është bërë propozimi që ka ardhur nga skuadra Metalis 1925. Mësohet se bisedimet mes palëve kanë nisur, ndërkohë që është vendosur komunikimi edhe me drejtuesit e Skënderbeut, pasi Nikaj është ende nën kontratë me klubin korçar.

Për vetë lojtarin, ky mund të jetë një moment kyç në zhvillimin e tij profesional. një transferim jashtë vendit do t’i ofronte një përvojë të re dhe më të gjerë, duke e vendosur në një ambient me më shumë konkurrencë dhe kërkesa më të larta, çka mund të ndikojë drejtpërdrejt në rritjen e nivelit të tij. Nga ana tjetër, për Skënderbeun, një marrëveshje e mundshme do të thoshte largimi i një prej lojtarëve më perspektivë, por njëkohësisht edhe përfitime në aspektin ekonomik.

Deri tani, asgjë nuk është zyrtarizuar, por sinjalet janë të qarta: e ardhmja e Ardit Nikajt pritet të shkruhet larg shqipërisë. Nëse gjithçka konkretizohet me transferimin te Metalis 1925, kjo do të jetë një faqe e re dhe premtuese në rrugëtimin e tij futbollistik.

“KORÇA BOOM”