Fleçer-Diabi në majë të sulmit, Skënderbeu vjen me ndryshime

Nuk ka asnjë mëdyshje. Skënderbeu nesër do të zbresë në fushë në miqësore me ndryshime edhe në majë të sulmit.

Ndërkohë që në miqësoret e fundit kemi parë në majë dyshen Nikaj-Rashica, nesër në testin e radhës miqësor, do të shikojmë dyshen Fleçer-Diabi. Nuk dihet vetëm nëse do të shikojmë këtë ndryshim në vijën e parë, që nga minuta e parë, apo në vazhdim.

Nëse dy të huajt që kanë disa ditë në Korçë do të luajnë që nga fillimi, Rashica do të kthehet në vendin e tij dhe kështu me radhë do të ketë edhe lëvizje të tjera. Nesër është prova e së vërtetës për Skënderbeun dhe trajnerin Ivan Gvozdenoviç, që do të vijë me vendosje dhe ndryshime në emra në fushën e lojës.

Plus kësaj, do të jetë edhe prova e Muhamed Diabi, lojtarit nga Guinea që akoma nuk ka firmosur me Skënderbeun.