Fleçer-Djabi, vetëm 22 minuta në fushë. Shumë pak për të dhënë një vlerësim…!

Dy futbollistët që kanë mbërritur së fundmi te Skënderbeu, xhamajkani Zhordan Fleçer dhe lojtari nga Guinea, Muhamed Djabi luajtën vetëm 22 minuta në ndeshjen e djeshme miqësore ndaj Lushnjës.

Në fakt, të pranishmit në stadium mezi prisnin të shikonin këtë dyshe në fushë në majë të sulmit, madje u mendua se do të aktivizoheshin qysh në start.

Por, zgjedhja e stafit teknik ka qenë që të mos rrezikoheshin që në fillim dhe në minutën e 68-të janë hedhur në fushën e lojës.

Shumë pak minuta për të dhënë një opinion për të dy sulmuesit, që kanë ardhur për të qenë titullarë te Skënderbeu.

Duke qenë se akoma nuk janë në 100% të formës së tyre më të mirë, forma e tyre do të rritet gradualisht, pasi të dy lojtarët janë duke u marrë me përgatitësin atletik.

Sa vlejnë të dy futbollistët? Këtë edhe pas miqësores së djeshme nuk mund ta themi…