FOTO sa një mijë fjalë/ Nga Kadiu, te Memelli, Qosa, Jano, Kotomelo. Sa shumë nostalgji

Një foto sa një mijë fjalë po sjellim sot për të gjithë ju miq të portalit tonë. E shkrepur ditët e fundit në qytetin juglinor, ku janë mbledhur ish-ët e Skënderbeut, emra që i kanë dhënë shumë këtij Skënderbeu.

Sigurisht që të gjithë spikasin në këtë foto, por padyshim Rigers Qosa është risia, ish-goleadori i Skënderbeut që është kthyer për të pushuar në vendlindjen e tij, në Korçë. Me kaq shumë dashuri për vendlindjen, atje ku është formuar dhe rritur si futbollist, Qose luajti edhe me veteranët dhe shënoi duke kthyer vitet e “rënda” me Skënderbeun.

Ndërkohë pranë tij janë shokët dhe miqtë e tij, ata që sigurisht i kanë dhënë shumë këtij Skënderbeu, ku Bledi Kadiu, një tjetër ish-lojtar me shumë vlera dhe që i ka dhënë shumë këtij qyteti, edhe pse jeton në kryeqytet, zemrën e ka në këtë qytet.

Migen Memelli është një tjetër lojtar që ka veshur fanelën bardhekuqe dhe ka dhënë shumë, ndërkohë që pogradecarin pak e dinë të jetë nga qyteti i liqenit, pasi Korçën e ka shtëpinë e tij.

Më tej, Daniel Jano, një ish-futbollist, sot trajner i Akademisë dhe shumë i suksesshëm dhe pranë tij gjyqtari dhe ish-futbollisti i Skënderbeut, Ervin Kotemelo.

Sa shumë nostalgji për këta djema dhe sa shumë falënderime për atë që kanë dhënë për Skënderbeun.

Faleminderit dhe shumë suksese të keni djema!

“KORÇA BOOM”