Gjenerata e re në politikë: Një fllad i ri në Korçë

Zgjedhjet e fundit në Korçë sollën një prurje të re në skenën politike lokale, shumë emra të rinj, energjikë dhe ambiciozë arritën të fitojnë mbështetjen e qytetarëve dhe të sigurojnë ulëse përfaqësimi. Kjo nuk është thjesht një ndërrim emrash, është një tregues i një klime të re politike dhe një kërkesë e qartë e qytetarëve për ndryshim dhe freski në qeverisje.

Për një kohë të gjatë, politika është perceptuar si një fushë e rezervuar për figura të konsoliduara, me përvojë të gjatë, por ndonjëherë të shkëputura nga realiteti i përditshëm i brezave të rinj.

Fitorja e të rinjve në Korçë përbën një sinjal se qytetarët janë të gatshëm të besojnë tek ide të reja, energji të reja dhe një qasje më moderne ndaj politikbërjes.

Këta të rinj nuk sollën vetëm emra të panjohur më parë – ata sollën një stil komunikimi më të drejtpërdrejtë, një lidhje më të fortë me komunitetin dhe një program që flet gjuhën e qytetarëve të sotëm. Në shumë raste, ata dolën në terren jo me premtime të mëdha, por me dëshirën për të dëgjuar, për të kuptuar dhe për të ndërtuar bashkë me njerëzit.

Përparësitë e kësaj gjenerate të re janë të shumta:

– Aftësia për të përdorur teknologjinë dhe rrjetet sociale për transparencë dhe komunikim të hapur.

– Një ndjeshmëri më e madhe ndaj çështjeve mjedisore, sociale dhe ekonomike që prekin brezat e rinj.

– Një mënyrë e re të menduari, më pak burokratike dhe më praktike.

Por sfidat nuk mungojnë. Rrugëtimi i tyre sapo ka nisur dhe do të jetë i mbushur me përgjegjësi, me nevojën për të treguar se përfaqësimi rinor nuk është vetëm simbolik, por real dhe efektiv. Për këtë, ata kanë nevojë për përkrahjen e komunitetit, për bashkëpunim me aktorë të tjerë dhe për një vullnet të fortë për të qëndruar besnikë ndaj parimeve që i sollën aty ku janë sot.

Korça ka qenë historikisht një vatër e mendimit kritik, kulturës dhe përparimit. Fitorja e të rinjve në këtë qytet është një vazhdimësi natyrale e kësaj tradite. Është një mundësi për ta kthyer politikën në shërbim të vërtetë të qytetarit

“KORÇA BOOM”