Gjoka sfidues: “Kalimi disa herë nga disavantazhi në avantazh? Kjo tregon karakter!
- Korca Boom
- 1 day ago
- 1 min read
Trajneri i Skënderbeut, Ernest Gjoka, ka komentuar ndeshjen e fundit duke u ndalur te karakteri i skuadrës dhe vështirësitë që kaluan gjatë lojës. Ai u shpreh se gabimet që ndodhin në fushë janë pjesë e lojës dhe nuk lidhen domosdoshmërisht me mungesë përqendrimi.
“Skuadra ka shpirt gare. Gabimet që mund të ndodhin nuk tregojnë mungesë përqëndrimi dhe nuk nënvleftësojnë asgjë nga ajo që kjo skuadër ka ndërtuar. Asgjë nuk ka mbaruar deri sa të arrijmë te matematika”, tha Ernest Gjoka, duke theksuar se objektivat mbeten ende të arritshëm.
Trajneri shtoi se është tejet e vështirë të kthehesh nga disavantazhi në avantazh disa herë brenda një ndeshjeje, por kjo sipas tij tregon karakterin e fortë të lojtarëve. “Nuk është e lehtë të kalosh nga disavantazhi në avantazh disa herë. Kjo skuadër ka mentalitet fitues dhe nuk dorëzohet”, u shpreh Gjoka.
"KORCA BOOM"



















