Gjoka: “Skënderbeu duhet të fitojë çdo ndeshje, s’ka më justifikime

Trajneri i Skënderbeut, Ernest Gjoka, foli pas fitores ndaj Apolonisë, duke analizuar ndeshjen dhe ecurinë e skuadrës së tij.

“Nuk ishte çështje përgjumjeje, por përshtatjeje. Në ato momentet e para, të paktën 10-15 minutat e para, nuk po arrinim të fitonim metra. Vujam pak përqendrim, por duke e marrë ndeshjen me Kastriotin si referencë, për golat që pësuam në Korçë kemi reaguar fort. Kemi punuar me skuadrën, pasi ishin dy gola të evitueshëm, që kishin të bënin vetëm me mungesën e përqendrimit.

Në ndeshjen me Korabin, pavarësisht barazimit, skuadra tregoi se kishte identitet dhe ritëm loje. Nga 2-0 të pësosh, është sërish çështje përqendrimi — e njëjta gjë ndodhi edhe sot.

Ne duhet të vazhdojmë të bëjmë punën mirë, të fitojmë tri pikët në çdo ndeshje dhe të sigurojmë ngjitjen në Superiore,” deklaroi Gjoka për “RTSH Sport”.

"KORCA BOOM"