Gola, emocione dhe fund spektakolar, Skënderbeu mposht Ilirinë 4–2

Skënderbeu- Iliria 4-2

Skënderbeu ka siguruar kalimin në turin e radhës pas një përballjeje plot gola ndaj Ilirisë në Korçë, në një ndeshje të shoqëruar nga reshje të shumta shiu që e rënduan ndjeshëm terrenin. Megjithatë, kushtet e vështira atmosferike nuk i penguan skuadrat të prodhonin spektakël dhe gola të shumtë.

Të parët që kaluan në avantazh ishin miqtë, me Mavangën që shënoi në minutën e 14-të. Skënderbeu reagoi dhe gjeti golin e barazimit në minutën e 40-të me anë të Abiduanit.

Pjesa e dytë nisi vrullshëm për korçarët, të cilët përmbysën rezultatin me golin e Çuçkës pa kaluar ende tre minuta lojë. Por Iliria nuk u dorëzua dhe barazoi në minutën e 75-të me anë të Veriut.

Kur gjithçka dukej se do të shkonte drejt shtesës, ishte sërish Çuçka që në limitet e kohës së rregullt shënoi golin e tretë për Skënderbeun. Menjëherë pas tij, korçarët vulosën ndeshjen me golin e katërt, duke e mbyllur takimin me rezultatin 4–2.

"KORCA BOOM"