I ranë në kokë skelat te Ura e Selitës, gruaja e Bledi Shkëmbit kërkon 100 milionë lekë dëmshpërblim

Imelda Shkëmbi, gruaja e trajnerit të Tiranës, Bledi Shkëmbit u plagos një vit më parë te ura e Selitës në Tiranës pasi i ranë në kokë skelat e hekurit të një pallati në ndërtim. Ajo kërkon në Gjykatën e Tiranës dëmshpërblim në masën e 100 milionë lekëve të vjetra.

Çështja civile është regjistruar diën e djeshme (të martë), datë 6 Maj në Gjykatën e Tiranës dhe shorti për gjykim i ka rënë magjistrates Ina Hoxhaj. Konkretisht, gruaja e ish-futbollistit Bledi Shkëmbi dhe babai i saj kërkojnë nga togat e zeza:

1. Detyrimin e palëve të paditura të shperblejnë dernin pasuror dhe jopasuror shkaktuar palëve paditesë, në shumën 10,000,000 (dhjetë milionë) lekë;

2. Marrjen e mases së sigurimit të padisë, duke vendosur sekuestro konservative mbi llogaritë bankare, pasuritë e luajtshme dhe të paluajtshme të palës së paditur, në vlerën e dëmit të pretenduar;

3. Dhënien e vendimit me ekzekutim të përkohshëm;

4. Detyrimi si palë e paditur me shpenzirnet gjyqësore.

Hysen Lavdari dhe Imelda Shkëmbi, në Janar të vitit të shkuar 70 dhe 39 vjeç, po kalonin në trotuar në zonën e njohur si ish-Parku i Autobusëve në Tiranë, kur skelat e hekurit të një pallati 14 katësh u shkëputën nga lartësia dhe i zunë poshtë.

Babë e bijë morën dëmtime të rënda trupore dhe për javë me radhë morën trajtim të specializuar në spital, ndaj bashkëshortja e Bledi Shkëmbit dhe babai i saj i kërkojnë Gjykatës së Tiranës që të sekuestrojë llogaritë bankare të kompanisë ndërtuese dhe t’i dëmshpërblejë.

“KORÇA BOOM”