KATEGORIA E PARË/ Pogradeci 3 gola për 3 pikë. Shikoni renditjen!

Është luajtur java e 32-të në Kategorinë e Parë, duke hedhur më shumë “dritë” rreth klubeve që do të ngjiteten në elitën e futbollit shqiptar, sikurse atyre që do jenë në një kategori më poshtë.

Besa-Vora rezultoi ndeshja më e spikatur. Kavajasit e realizuan detyrën, duke mposhtur me shifrat minimale Vorën. Kavaja aktualisht mban vendin e 3-të në tabelë me 71 pikë, një më pak se Flamurtari.

Vlonjatët nga krahu tjetër u treguan të saktë karshi Erzenit. Golat e Oshafit dhe Batha i mjaftuan vlonjatëve. Korabi i Peshkopisë kori triumf jetik në Lushnjë, duke i shpëtuar përkohësish rënies nga kategoria.

Në takimet e tjera Kastrioti dhe Apolonia u ndanë në “paqe”. Burreli mposhti Valbonën, kurse Pogradeci siguroi fitoren më të thellë në këtë javë 3-0 karshi Kukësit.

Ka mbetur edhe një javë nga mbyllja e Kategroisë së Parë, aty ku do të vuloset gjithçka.

Rezultatet e javës së 32-të

Besa-Vora 1-0

Shënues: Kapo 30’

Burreli-Valbona 2-1

Shënues: Ferruku 51’, Rroku 70 / Balla 15’

Flamurtari-Erzeni 2-0

Shënues: Oshafi 25’, Batha 85’

Kastrioti-Apolonia 1-1

Shënues: Biba 80’ / Trifoni 53’

Lushnja-Korabi 0-1

Shënues: Mziu 62’