Korçë pezullohen nga detyra policët: Klevis Zhuleku, Oresti Lushi, Klejdi Shameti

Tre punonjës të qarkullimit rrugor në Korçë pezullohen nga detyra, tjetërsuan të dhënat për një aksident.

Tre punonjës policie janë pezulluar nga detyra në komisariatin e Korçës. Me vendim gjykate janë pezulluar 2 policët Klevis Zhuleku dhe Oresti Lushi dhe oficeri Klajdi Shameti, të tre pjesë e sektorit të qarkullimit rrugor.

Sipas raportimeve mësohet se 3 punonjësit kanë tjetërsuar procesverbalet lidhur me një aksident të ndodhur.

Hetimi ka zgjatur rreth 2 muaj, ndërsa priten informacionet zyrtare nga Agjencia e Mbikëqyrjes Policore të cilët kanë ekzekutuar vendimin e gjykatës së Korçës.

Gjatë hetimit janë kryer përgjime telefonash dhe përgjime ambjentale, si prova kryesore nga prokuroria për të vërtetuar akuzën.