Korçarët fillojnë avazin e vjetër

Edhe një javë na ndan nga starti i kampionatit, ku korçarët do të luajnë në transfertë me Egnantian. Skënderbeu ka qëndruar në Korçë gjatë gjithë fazës përgatitore, gjë të cilën do ta bëjë edhe për disa ditë.

Themi këtë, sepse në mesjavë do të largohet për në Durrës, atje ku ka edhe shtëpinë e dytë. Jemi mësuar me këtë ekip të zhvendosej edhe në Durrës, për më shumë në ndeshjet që luan në transfertë. Në këtë sezon superlige ekipi do bëjë shpesh zhvendosjen në Resortin “Tropikal”.