Korçari me valixhe në dorë – Bledi Shkëmbi, trajneri që tashmë nuk ka konfirmim për vazhdimësinë me Tiranën, duket se nuk i reziston ekipit të Strugës

Pas një sezoni të vështirë dhe të trazuar me Tiranën, Bledi Shkëmbi ndodhet në një udhëkryq profesional. Trajneri korçar, i cili u ul në stolin bardheblu në një nga periudhat më të vështira të klubit, tashmë nuk ka marrë ende një konfirmim nga drejtuesit për një rinovim kontrate. Në heshtje, por me valixhen gati, Shkëmbi duket se po sheh përtej kufirit.

Burime pranë trajnerit bëjnë të ditur se skuadra e Strugës në Maqedoninë e Veriut ka shfaqur interes konkret për të. Dhe ndonëse Shkëmbi është i lidhur emocionalisht me Tiranën dhe me futbollin shqiptar, tundimi për një aventurë të re, larg presionit të kryeqytetit dhe me një projekt më të qartë teknik, mund të jetë vendimtar në zgjedhjen e tij.

Struga është një ekip në ngritje, që ka pasur prezencë edhe në arenën ndërkombëtare, dhe kërkon një trajner me përvojë dhe karakter. Pikërisht këto janë cilësitë që Bledi Shkëmbi ka treguar si te Tirana, ashtu edhe në aventurat e mëparshme në stol.

Nëse largimi konfirmohet, atëherë “Korçari me valixhe në dorë” do të niset drejt një sfide të re – me një objektiv të qartë: të lërë gjurmë edhe jashtë kufijve të Shqipërisë, duke i dhënë një tjetër dimension karrierës

“KORÇA BOOM”