Kremlini del zyrtarisht pas incidentit në hapësirën ajrore polake, kërkohet verifikim ndërkombëtar

Rusia ka reaguar për herë të parë lidhur me incidentin e ndodhur në hapësirën ajrore të Polonisë, ku disa dronë të paidentifikuar u rrëzuan gjatë një sulmi rus në Ukrainën perëndimore. I ngarkuari me punë i Rusisë në Poloni, Andrei Ordash, deklaroi se autoritetet polake nuk kanë paraqitur asnjë provë që të vërtetojë se dronët ishin me origjinë ruse.

Sipas raportimeve të agjencisë shtetërore ruse RIA Novosti, Ordash është thirrur nga Ministria e Jashtme e Polonisë si pjesë e reagimit zyrtar ndaj shkeljes së hapësirës ajrore të vendit. Ky incident çoi gjithashtu në aktivizimin e Nenit 4 të NATO-s nga ana e Varshavës, duke shtuar tensionet në rajon.

Ky është reagimi i parë zyrtar i Moskës, ndërsa vëmendja ndërkombëtare mbetet e përqendruar tek qëndrimi që do të mbajë Kremlini. Aleatët euroatlantikë dhe autoritetet ndërkombëtare kanë theksuar rëndësinë e verifikimit dhe transparencës, ndërsa situata në kufijtë lindorë të BE-së dhe NATO-s vazhdon të jetë tepër e tensionuar.

“KORÇA BOOM”