Lajmi i fundit: Moraes pajiset me vizë, vjen ditën e….!

Mesfushori brazilian është pajisur me vizë dhe në fundjavë do të jetë në Korçë për të nisur seancat stërvitore me Skënderbeun. Ky është lajmi i para pak momentesh që mëson “Korça Boom” dhe që padiskutim ka gëzuar edhe më shumë stafin teknik, pasi një tjetër futbollist do të mbushë radhët e bardhekuqve.

Ka qenë portali ynë që zbuloi ditë më parë atë se mesfushori në fjalë pranoi të vishte fanelën e Skënderbeut të paktën edhe për këtë sezon, ndërkohë që kontrata i përfundoi në fundin e kategorisë së parë.

Moraes pas ofertës që ka marrë nga presidenti Ardjan Takaj nuk u mendua dy herë dhe menjëherë dha “ok”-in, duke deklaruar që vërtet bëri zgjedhjen më të mirë.

Lajmi që Moraes u pajis me vizë sigurisht që është shumë pozitiv, ndërkohë që tashmë mbetet të mësoht se kur do të pajiset me vizë edhe mbrojtësi tjetër i huaj Randi, lojtar që pritet edhe ai të mbërrijë, por këtë mbërritje po e vonon pajisja me vizë.

Me pak fjalë ditën e shtunë është planifikuar udhëtimi i mesfushorit Junior Moraes drejt Korçës dhe tashmë mbetet për t’u parë çfarë do të ndodhë në ditët në vazhdim.