Luis Enrique dhe Pep Guardiola: Dy strategët e tripletës në futbollin europian

Në historinë e futbollit europian, vetëm dy trajnerë kanë arritur një sukses të rrallë: të fitojnë tripletën me dy klube të ndryshme. Këta janë Luis Enrique dhe Pep Guardiola, dy prej trajnerëve më të suksesshëm të epokës moderne.

Luis Enrique e ka arritur për herë të parë këtë sukses me Barcelonën në sezonin 2014-2015, duke fituar kampionatin spanjoll, Kupën e Mbretit dhe Ligën e Kampionëve. Pas gati dhjetë vitesh, ai e ka përsëritur këtë arritje me Paris Saint-Germain gjatë sezonit 2024-2025, duke fituar kampionatin francez, Kupën e Francës dhe Ligën e Kampionëve.

Pep Guardiola, ndërkohë, ishte trajneri i parë që ka fituar tripletën me dy skuadra të ndryshme. Ai e realizoi për herë të parë me Barcelonën në sezonin 2008-2009. Më pas, në sezonin 2022-2023, ai bëri histori me Manchester City duke fituar Premier League, FA Cup dhe për herë të parë në historinë e klubit, Ligën e Kampionëve.

Të dy këta trajnerë kanë treguar jo vetëm mjeshtëri taktike, por edhe aftësi të jashtëzakonshme për të ndërtuar skuadra fituese dhe për të lënë gjurmë të pashlyeshme në futbollin europian.

“KORÇA BOOM”