Nga gjykata në masat e sigurisë: Balluku dhe dy vartësit

Belinda Balluku dhe dy vartësit e saj, Gentian Gjyli dhe Erald Elezi, dolën nga ambientet e GJKKO-së pas më shumë se pesë orësh. Balluku u largua e para nga gjykata, ndërsa më pas dolën edhe dy vartësit e saj, të cilët ishin në seancë për t’u njohur me akuzat dhe masat e sigurisë.

Ndaj Belinda Ballukut janë caktuar masat e sigurisë pezullim nga detyra dhe ndalim për daljen jashtë shtetit. Ndërsa ndaj administratorit të KESH, Erald Elezi, dhe drejtorit të Autoritetit Rrugor Shqiptar, Gentian Gjyli, është caktuar masa arrest shtëpie.

Balluku u pezullua nga detyra pasi u mor e pandehur për tenderin me vlerë 190 milionë euro për ndërtimin e tunelit të Llogarasë. Ajo dyshohet gjithashtu për tenderin 20 milionë euro të lotit 4 të Unazës së Madhe të Tiranës.

Për të dy tenderët, me vlerë totale 210 milionë euro, sipas SPAK, Balluku ka paracaktuar fituesin përmes mbikëqyrjes dhe ndërhyrjes gjatë gjithë procesit të garës. Çështja për Ballukun ka shkuar në Gjykatë Kushtetuese, ndërsa asaj i është hequr e drejta e firmës nga qeveria.

"KORCA BOOM"