Nga konkurimi për ‘Miss’ te suksesi në sport, kjo është prezantuesja që la shenjë në Kupën e Botës për Klube

Eleonora Incardona (35 vjeçare) është një nga emrat më të njohur në skenën sportive italiane dhe së fundmi është bërë pjesë e domosdoshme e Kupës së Botës për Klube në ShBA, ku punon si prezantuese në televizionin DAZN.

Kjo prezantuese tërheqëse dhe karizmatike ka fituar zemrat e fansave me buzëqeshjen dhe energjinë e saj të dallueshme.

E lindur në qytetin e vogël sicilian të Chiaramonte Gulfi, Eleonora mori pjesë në konkursin e bukurisë Miss Italia 2010 që në moshë të re, gjë që i hapi derën drejt botës së modelimit dhe televizionit.

Edhe pse filloi të studionte drejtësi, ajo shpejt zbuloi pasionin e saj të vërtetë – gazetarinë sportive.

Aktualisht ajo është një yll i DAZN dhe ndjek spektaklet më të mëdha të futbollit, duke raportuar nga stadiumet më të rëndësishme si San Siro i Milanos dhe stadiumi Allianz i Torinos.

Ajo njihet gjithashtu nga ndjekësit e saj si e dashura e lojtarit të kombëtares italiane Samuele Ricci, i cili luan për Torinon.

Në Kupën e Botës për Klube në ShBA, Eleonora ishte vazhdimisht në lëvizje – nga ndeshja midis Inter Miami dhe Al Ahly në Miami, përmes udhëtimit të gjatë me makinë deri në Pasadena, ku raportoi për duelin midis PSG dhe Atletico, dhe deri në Atlanta dhe Los Angeles, ku mbuloi ndeshjet midis Chelsea, Inter dhe Monterrey.

Përveç futbollit, Eleonora e do edhe golfin, Formula 1 dhe makinat e shpejta, dhe të gjitha këto i ndjek së bashku me mbi një milion e njëqind mijë ndjekës në rrjetet sociale, të cilët ndjekin jetën e saj profesionale dhe private.

“KORÇA BOOM”