Një kujtim i artë që mbetet gjallë në zemrat e korçarëve!

Krahas futbollit, volejbollit dhe sporteve të tjera që kanë bërë histori në Korçë, nuk mund të lëmë pa përmendur një tjetër ekip që për shumë vite ka qenë simbol i suksesit dhe elegancës në arenën sportive shqiptare – ekipi i gjimnastikës së vajzave të Skënderbeut.

Ky ekip, i drejtuar me pasion dhe përkushtim nga trajnerja legjendare Nikoleta Bleta, ka nxjerrë për vite me radhë kampione kombëtare dhe sportiste të nivelit të lartë, shumë prej të cilave mbajnë titullin “Mjeshtre Sporti” apo kanë konkurruar në Kategorinë e Parë të gjimnastikës shqiptare.

Në një fotografi të rrallë të vitit 1978, shihet ky ekip i jashtëzakonshëm që jo vetëm i dha lavdi qytetit të Korçës, por krijoi një trashëgimi të fortë në gjimnastikën shqiptare. Vajzat korçare të atij brezi na bënë krenarë dhe u kthyen në frymëzim për shumë gjenerata që pasuan.

Ekipi i gjimnastikës së Skënderbeut, me punën dhe arritjet e veta, është një tjetër dëshmi që Korça nuk është thjesht një qytet me histori në sport – është një vatër që ka ushqyer dhe kultivuar talente në çdo disiplinë.

“KORÇA BOOM”