Pasojat e stuhisë në Pogradec/ Ja çfarë ka ndodhur!

Gjatë pasdites së sotme në territorin e Bashkisë Pogradec u shënua një situatë e pazakontë për shkak të stuhisë me erë të fortë dhe reshje shiu, e cila shkaktoi probleme në disa zona.

Falë reagimit në kohë të strukturave tona, në bashkëpunim me MZSH, Shërbimin Pyjor, NPR, NMIPP dhe Policinë Bashkiake, u arrit që situatat e krijuara të menaxhohen dhe të minimizohen dëmet.

Më e ndërlikuar ishte situata në fshatin Pojskë, ku një zjarr i përhapur me shpejtësi për shkak të erës së fortë, u izolua dhe u vu nën kontroll falë ndërhyrjes së menjëhershme të MZSH-së dhe mbështetjes së punonjësve të shërbimeve dhe Shërbimit Pyjor. Pavarësisht dëmeve të pjesshme në një njësi shërbimi, u arrit të shpëtohet pjesa më e madhe e godinës dhe godinave të tjera në zonë.

Era e fortë shkaktoi gjithashtu thyerje pemësh dhe degësh, të cilat po pastrohen aktualisht nga Ndërmarrja e Gjelbërimit.

KUJDES

Sipas parashikimeve, moti i keq pritet të vijojë. Kërkojmë nga qytetarët të shmangin lëvizjet e panevojshme dhe të tregojnë kujdes të shtuar.

Për çdo rast emergjence, kontaktoni:  127, 128, 129

Gjithashtu, ju lutemi të njoftoni kryetarët e fshatrave dhe njësive administrative për çdo problematikë të evidentuar.

Bashkia Pogradec mbetet e angazhuar maksimalisht për mbrojtjen e banorëve dhe menaxhimin e situatave emergjente.

“KORÇA BOOM”