SKËNDERBEU: Klubi biletat falas të dielë/ Tifozët gati të mbushin stadiumin

E kishte paraprirë portali ynë prej ditësh që duhet të kishim hyrje falas për tifozët dhe duket se klubi ka marrë vendimin e duhur. Ditën e djeshme nëpërmjet një postimi në faqen e vet zyrtare klubi “Skënderbeu” ka nxjerrë njoftimin se për këtë ndeshje do të jenë dy tribuna falas. Bëhet fjalë për Tribunën C dhe Tribunën D.

Ndërkohë që me Tiranën ishte vetëm Tribuna C pa biletë, tashmë është hapur edhe anësorja, pra Tribuna D.

Kjo u jep mundësi të gjithëve që të jenë të stadium të dielë, për të mbështetur Skënderbeun.

Një zgjidhje që në fakt klubi bardhekuq duhet ta bëntë duke parë rëndësinë e këtij takimi, ndërkohë që radhën tashmë e kanë tifozët që duhet të jenë sa më të shumtë në stadium ditën e dielë, pasi Skënderbeu ka shumë nevojë për mbështetjen e tyre.

Pas njoftimit që hyrja është falas për këto dy pjesë të tribunave, janë tifozët që po organizohen, në mënyrë që të jenë po kaq të organizuar sa me Tiranën.

Njoftimi i KF Skënderbeu:

Ndeshja e rradhës

Skënderbeu - Bylis

E Dielë, 27 prill | Ora 15:30

Stadiumi “Skënderbeu”

Ju njoftojmë se për këtë ndeshje në Tribunat C dhe D hyrja do të jetë falas.

Të gjithë së bashku për 3 pikë!

“KORÇA BOOM”