Skënderbeu, paradite në palestër më 18:30 në fushë me topin

Vazhdon me intesitet të lartë faza përgatitore për Skënderbeun, ndërkohë që sot stafi teknik i Skënderbeut ka planifikuar dy seanca stërvitore.

Në orën 09:30 të paradites i gjithë ekipi është parë në palestër duke kryer forcë, ndërkohë që pasdite trajneri Ivan Gvozdenoviç ka planifikuar një tjetër seancë me ngarkesë, teksa e gjitha do të jetë me topin.

Me të njëjtin rritëm do të vijohet gjatë gjithë fazës përgatitore, ndërkohë që po dy stërvitje skuadra do të zhvillojë edhe nesër. Të enjte në orët e mbrëmjes Skënderbeu do të zhvillojë testin tjetër miqësor ndaj Mitrovicës.

E rëndësishme është që gjatë gjithë kësaj periudhe nuk ka asnjë problem dëmtimi dhe ky është një lajm vërtet i mirë, pasi kontigjenti është i plotë.