Skënderbeu “show” në pjesën e parë, 2 gola dhe raste pafund shënimi / Shikoni se çfarë ka ndodhur…!

Skënderbeu - Lushnja 2-0

Shënues: Nikaj 16’, Merlim 41’

Skënderbeu: Alia, Frashëri, Randi, Prençi, Zenullari, Ramos, Liço, Merlim, Rabiu, Nikaj, Rashica. Trajner: Ivan Gvozdenoviç

Lushnja: Haremi, Kasmollari, E. Magani, Zisi, Jerikson, Aynde, Leroux, Gega, Tabaku, Disha, Levendi. Trajner: Gugash Magani

Karton i kuq: Tabaku

Skënderbeu bën show në pjesën e parë, teksa jo vetëm fitoi 2-0, por pati dhe raste të shumta shënimi. Dy gola në këtë pjesë, përballë një Lushnje që u duk se nuk e përballonte dot presionin e Skënderbeut.

Vendasit mund dhe duhet të kishin shënuar më shumë se 2 gola, por rastet e pastra u shpërdoruan nga bardhekuqtë.

Lushnja nuk zbriti asnjëherë në portën e Skënderbeut në pjesën e parë.

Minutat dhe rastet në pjesën e parë

7’ - Rashica jep një asis për Nikaj që i vetëm përballë portës së boshatisur, bën më të vështirën, gjuan jashtë.

17’ - Frashëri jep një asis për Nikaj që këtë herë nuk fal dhe 1-0.

21’ - Rashica në këtë minutë kishte një rast të pastër për të shënuar edhe golin e dytë, por topi i gjuajtur prej tij përfundon ngjitur me shtyllën e djathtë pingule.

28’ - Është Nikaj që jep një asis për Liço që dy herë me finte tregohet individual, gjuan por pret portieri lushnjar.

41’ - Juri Merlim shënon një eurogol nga 30 metra largësi. Lëshon një predhë dhe 2-0.