SKËNDERBEU/ Tifozët mbështesin skuadrën edhe në miqësore

Skënderbeu-Vora ishte ndeshja e djeshme miqësore, një takim që përfundoi në barazimin 0-0. Në fakt ndeshje të tilla i shërbejnë shumë skuadrave përpara fillimit të kampionatit, por ajo që ra në sy ishte numri i lartë i tifozëve në shkallët e stadiumit.

Fotot që sjellim më poshtë janë shkrepur në testin e djeshëm, gjë që tregon se tifozët nuk mungojnë në qytetin juglindor dhe janë shumë të interesuar të shikojnë skuadrën e tyre të zemrës.

Në fakt, kjo ka ndodhur thuajse në të gjitha testet e deritanishme dhe pritet që në kampionat sërish në qytetin e Korçës të kemi numrin më të lartë të tifozëve në stadium edhe pse skuadra do të luajë në kategorinë e parë.

Interesim ka edhe në seancat stëvritore dhe Skënderbeu duket se nuk është vetëm, pasi ka me vete edhe lojtarin numër 12-të.  

Ndeshjet miqësore të zyrtarizuar deri tani:

Skënderbeu-Struga          0-4

Shënues: Basiru Kompaore 18′, 20′, 38′, Dumfur 30′ (autogol)

Skënderbeu-Besa             3-1

Shënues: Ukiçi 53’, Tayo 67’, Gjini 90’/ Çinedu 18’

Pogradeci-Skënderbeu   0-2

Shënues: Janaqi 11’, Rodriguez 73’ (aut)

Skënderbeu-Vora              0-0

12 gusht       Skënderbeu-Luftëtari

“KORÇA BOOM”