SKËNDERBEU për rekord/ +12 nga ndjekësit. Bardhekuqtë nuk ndalin “vrapin” drejt superligës!

Dje janë luajtur vetëm dy ndeshje nga java e 13-të e kategorisë së parë, ndërkohë që Skënderbeu edhe me ankth dhe emocione deri në fund, arriti sërish të fitonte në shtëpi, këtë herë ndaj Lushnjës ne një ndeshje me plot 7 gola.

Përpos lojës që nuk ishte më e mira për Skënderbeun, kanë rëndësi pikët dhe Skënderbeu mori edhe 3 pikë të tjera, duke numëruar plot 34 pikë, me 11 fitore, 1 barazim dhe vetëm 1 humbje.

Pavarësisht se luan në kategorinë e parë, Skënderbeu po tregon bindshëm se kjo skuadër mbetet për tu mundur. Përveç Kastriotit asnjë skuadër tjetër nuk ka mundur ta ndalë këtë Skënderbe deri tani.

Sot luhen edhe 4 ndeshje të tjera, por Skënderbeu pavarësist rezultateve do të jetë në fund të ditës sërish me shumë pikë diferencë nga ndjekësit.

Skënderbeu nga ky moment ja ka “frikën” vetëm vetes, pasi nuk i intereson më për ekipet e tjera, vendi i parë ka “ZOT” dhe bardhekuqtë po “vrapojnë” që të sigurojnë sa më parë ngjitjen në superligë. 27 gola në 13-të javë kanë shënuar barhdekuqtë dhe kanë pësuar 12 me një diferencë +15 gola.

Më poshtë sjellim edhe renditjen e frikshme në këto 13-të javë të Skënderbeut, një renditje që flet qartë se Skënderbeu shumë shpejt ka për ta siguruar edhe matematikisht superligën.

“KORÇA BOOM”