SOT finalja e parë/ Skënderbeu-Tirana ora 17:00. Forca bardhekuqe!

Erdhi dita e finales së parë të kampionatit kombëtar në volejboll për femra. Pikërisht sot, në orën 17:00, pra pas pak orësh Skënderbeu dhe Tirana do të pëplasen me njëra-tjetrën në finalen prej 5 ndeshjesh që do të nxjerrë në fund kampionen e re të këtij sezoni. Tri ndeshjet e para finale janë përcaktuar me data dhe orare, ndërkohë që nëse do të duhen edhe 2 të tjerat sigurisht që do të kemi më vonë edhe datat e tjera.

Gjithsesi, sot është akti i parë në pallatin e sportit “Tamara Nikolla” dhe Skënderbeu-Tirana do të zbresin në parket me objektivin që të mos gabojnë qysh në ndeshjen e parë. Skënderbeu i Orlando Kojës, sot është i avantazhuar pasi finalen e parë e nis në shtëpi, përballë sportdashësve të vet, ndërkohë që Tirana do të kërkojë të bëjë sërish surprizën ndaj Skënderbeut.

Sot në orën 17:00 pritet që pallati i sportit të jetë plot e përplot, ndërkohë që tifozët janë gati të mbështesin skuadrën e tyre të zemrës.

Skënderbeu nuk mund t'i falë bardheblutë në shtëpi, aq më tepër që kërkon të mbrojë titullin kampion dhe sigurisht që spektakli në orën 17:00 është i garantuar.

Vraponi korçarë! Erdhi ora e titullit…

Forca Skënderbeu! Ia dalim…

FINALET

23 prill Ora 17:00 Skënderbeu-Tirana

26 prill Ora 17:00 Tirana-Skënderbeu

29 prill Ora 17:00 Skënderbeu-Tirana

“KORÇA BOOM”