Talenti korçar që po rrëmben vëmendjen: Irina Rakip firmos për Dinamon

Një prej talenteve më premtuese të volejbollit shqiptar, Irina Rakip, është larguar nga skuadra e Skënderbeut për t’u bashkuar me ekipin e Dinamos. Rakip, e formuar si sportiste në shkollën korçare të volejbollit, është një produkt i pastër i këtij sistemi dhe ka spikatur prej vitesh si një talent i rrallë në këtë sport.

Pas një sezoni mbresëlënës me skuadrën korçare, ajo ka vendosur të ndërmarrë një hap të ri në karrierë, duke firmosur me një nga klubet më prestigjioze të vendit.

Kalimi i saj te Dinamo pritet të sjellë një përforcim të rëndësishëm në repartin e sulmit, ndërsa drejtuesit e klubit kanë besim të plotë në cilësitë dhe potencialin e saj.

Me disiplinën, përkushtimin dhe shpërthimet e saj në fushë, Irina Rakip përfaqëson një investim afatgjatë për të ardhmen e volejbollit shqiptar.

“KORÇA BOOM”