VOLEJ FEMRA/ Sot shansi i fundit, Skënderbeu pret Tiranën dhe do fitoren

Nëse ka një ditë që Skënderbeu ka nevojë për mbështetjen e të gjithëve është kjo e sotmja. Skënderbeu në volejboll për femra sot luan finale e tretë dhe më delikate të këtyre finaleve ndaj Tiranës. Në orën 17:00 në pallatin e sportit “Tamara Nikolla” bardhekuqet do të kërkojnë të fillojnë përmbysjen e madhe, pasi një fitore e sotme, do të thotë që të luhet ndeshja tjetër në kryeqytet.

Skënderbeu-Tirana në dy ndeshjet e fundit ka pasur një fund të hidhur për Skënderbeun, pasi të dy ndeshjet i ka fituar Tirana, ndërkohë që sot është e fundit për bardheblutë e rrjetës, pasi nëse fitojnë mbyllin titullin në qytetin juglindor.

Orlando Koja së bashku me vajzat nuk mund të dorëzohen kaq lehtë dhe prandaj kjo është një finale e madhe për Skënderbeun dhe qytetin juglindor. Të gjitha rrugët sot të çojnë në pallatin e sportit “Tamara Nikolla”, atje ku Skënderbeu pret mbështetjen e tifozëve dhe sigurisht që vetëm kështu skuadra mund tja dalë.

Suksese sot Skënderbe! Duam fitoren!

“KORÇA BOOM”