Zbulohen autorët e krimit të kryer në Korçë para 7 vitesh

Një ngjarje e rëndë ka ndodhur para 7 vitesh në Korçë, dhe më konkretisht në Voskopojë, atje ku është gjetur i varur Antonio Karafili. Fillimisht u mendua se ishte një vetëvrasje, por tani duket se situata është sqaruar në këtë drejtim. Nuk ka qenë një vetëvrasje nga ana e tij, pasi nuk kishte asnjë shenjë që mund të ngjallte dyshime për një akt të tillë.

Sipas dosjes hetimore, personi i fundit që e ka parë ka qenë e dashura e tij 17-vjeçare. Prokuroria, duke u thelluar në këtë ngjarje, ka bërë të mundur identifikimin e dy autorëve të krimit: shtetasit Rexhep Vathi dhe Kejsi Spahillari.

Sipas hetimit, Kejsi Spahillari dhe Rexhep Vathi e kanë mbytur viktimën me çarçaf dhe më pas e kanë varur në pishë. Për Kejsi Spahillarin është lëshuar një urdhër arresti. Ndërkohë, Rexhep Vathi ka ndërruar jetë pas një akti vetëvrasjeje që ka kryer.

 “KORÇA BOOM”