Zhordan Fleçer surprizon stafin teknik

Zhordan Fleçer ka mbërritur tek korçarët me pritshmëri të mëdha. Në fakt ka vlera, por gjendja e tij fizike nuk ishte e mirë.

Nga dita në ditë duket se gjendja e tij është përmirësuar shpejt dhe stafi nuk besonte se kaq shpejt ai mund të ishte gati.

Duke e pyetur trajnerin Gvozdenoviç për Fleçerin ai deklaron se: “Mund të them se është në gjendje më të mirë. Nuk mund të them me siguri për formacionin, pasi pres edhe këto orë të fundit në seancat e fundit stërvitore.”

Por nga sa është parë edhe në stërvitje, ai mund të luajë një pjesë loje të shtunën ndaj Egnatias.