Çiljeta Xhilaga rrëfehet me sinqeritet: “Kam dy vite që përpiqem të bëhem nënë e një vajze”

Këngëtarja e njohur Çiljeta Xhilaga, e cila prej vitesh është në një marrëdhënie me portierin e Partizanit, Alban Hoxha, ka ndarë me publikun një rrëfim të ndjerë dhe personal mbi përpjekjet e saj për të zgjeruar familjen.

E ftuar në emisionin “Në shtëpinë tonë” në Top Channel, Çiljeta zbuloi se ajo dhe partneri i saj prej dy vitesh po përpiqen të sjellin në jetë një vajzë, por për shkak të një problemi hormonal, dëshira për të pasur një fëmijë të dytë nuk është realizuar ende.

“Ne kemi dy vjet që po përpiqemi të bëjmë një vajzë. Unë kam një problem hormonal. Do doja shumë ta kisha një vajzë”, u shpreh ajo.

Këngëtarja foli edhe për një moment delikat të së kaluarës, kur disa vite më parë kaloi një abort spontan, çka sipas saj e ka ndërlikuar mundësinë për një shtatzëni tjetër.

“Para 2-3 viteve, kur kisha një abort spontan, mu komplikua pak kjo gjëja. Jam vizituar, por të shohim. Kam kohë edhe dy vjet për ta bërë. Po ma dha Zoti këtë dhuratë…”, përfundoi ajo, me shpresë dhe pozitivitet.

Pavarësisht vështirësive, Çiljeta mbetet një grua e fortë dhe optimiste për të ardhmen, duke u treguar një shembull për shumë gra që përballen me sfida të ngjashme.

“KORÇA BOOM”