A do të jetë Djantu një Franklin i ardhshëm…

Tashmë korçarët do të mësohen pa atë që kishin golashënuesin më të mirë të ekipit, pikërisht Franklin. Tani situata është e qartë. Korçarët me sa duket kanë filluar të piketojnë për atë pozicion një tjetër futbollist.

Bëhet fjalë për Ivan Djantu, shtatlartin e sulmit korçar. Edhe pse ka pak ndeshje në këmbët e tij duket se stafi beson shumë dhe këtë e ka treguar edhe në këtë ndeshje të kaluar ku u aktivizua gjatë gjithë lojës. Kjo zgjidhje besohet se do të dalë e suksesshme, pasi edhe Franklin nuk është aktivizuar në ndeshjet e para, por në momentin që iu dha mundësia tregoi veten dhe sot hodhi një hap të madh në karrierë.