“Derbin” e fiton Partizani, Skënderbeu zbret në renditje. Shikoni klasifikimin!

Ka përfunduar pak më parë “derbi” i kryeqytetit mes Partizanit dhe Tiranës, me fitoren e të kuqve me shifrat 2-1.

Me këtë fitore Partizani “katapulton” në renditje, duke u ngjitur në vendin e dytë të tabelës së klasifikimit me 14 pikë, dy më pak se Egnatia kryesuese.

Tirana me këtë humbje zbret në vendin e 4-t me 13 pikë, ndërkohë që skuadra që ka zbritur po një vend në tabelën e klasifikimit është Skënderbeu.

Bardhekuqtë tashmë e shikojnë veten në vendin e 5-të të tabelës, pra në “mesin e artë” me 12 pikë, pra zbresin një më poshtë në tabelën e klasifikimit.

Tashmë duhet pritur dita e shtunë, teksa Skënderbeu pret Vllazninë dhe nëse korçarët fitojnë, atëherë do të ngjiten lart në renditje duke iu afruar vendeve të kreut.