Devolli kërkon fitoren e dytë, presidenti Meraku do vetëm 3-pikëshin

Devollinjtë këtë të diel presin në shtëpi Luftëtarin, një ndeshje vërtet e fortë, por që në Devoll do të kërkojnë vetëm 3-pikëshin.

Një fitore në dy javë ka shënuar Devolli, ndërkohë që javën e dytë Devolli e ka pasur pushim.

Një fitore në transfertë në javën e fundit duket se ka karikuar skuadrën e Devollit, e cila në fillim të javës pati edhe ndryshime në presidencë.

Një plus më shumë për të kërkuar vetëm fitoren këtë të diel, teksa në javën e 3-të Devolli do të presë gjirokastritët me pretendime në këtë kategori të dytë.

Presidenti Spartak Meraku, sapo ka marrë postin e ri, duke u rikthyer atje ku e ka vendin, ndërkohë që pa diskutim do të jetë në tribunën qëndrore të stadiumit, për të ndjekur skuadrën e tij.

Pritet që një ditë përpara ndeshjes, Meraku të vendosë edhe një premio për fitoren, gjë që e ka bërë në kohën kur ka qenë më parë president dhe ky do të jetë një motiv më shumë për skuadrën që duket se pas rikthimit të presidentit ka objektiva madhore.