Futbollistët e Skënderbeut njëzëri: E mundim Vllazninë…

Gjatë gjithë këtyre ditëve në deklaratat e tyre një pjesë e madhe e futbollistëve të Skënderbeut, kanë deklaruar për mediat të bindur, se ky Skënderbe e ka forcën për të mposhtur sot Vllazninë.

Erlis Frashëri, Randi Dumfor, apo edhe Elvis Prençi, kanë deklaruar hapur se sot në orën 17:00 do të futen në fushë vetëm për fitore.

Kjo do të thotë se skuadra tashmë është e bindur dhe e përgatitur që të japë më të mirën, së pari në fushë dhe më pas rezultati do të vijë.

Mësohet se Vllaznia vjen në Korçë me më e pakta shtatë mungesa, por gjithsesi bardhekuqtë e kanë vlerësuar maksimalisht ndeshjen dhe kjo është më shumë se e rëndësishme.

Vetë deklaratat e lojtarëve të bindin se Skënderbeu është gati për tri pikë.

Mbetet vetëm ora 17:00 kur të startojë Skënderbeu-Vllaznia dhe të shikojmë Skënderbeun në fushë dhe lojtarët që do ta mbajnë fjalën e dhënë.