JAVA E 22-të / Shikoni renditjen pas 3 ndeshjeve të para. Skënderbeu tani 6 pikë larg fundit, 1 pikë larg vendit të 5-të!

Skënderbeu nuk është se ndryshoi pozicione në renditje pas humbjes që pësoi në Durrës pasditen e sotme, por nëse do të kishte dalë me pikë, do të qëndronte më i qetë në vazhdim.

Gjithsesi, sot janë luajtur 3 ndeshjet e javës së 22-të dhe rezultati më i thellë ishte fitorja e Teutës ndaj Skënderbeut 3-0.

Tirana fitoi në transfertën e Kukësit, fitore që erdhi me përmbysje, ndërkohë që derbi i kreut Partizani-Egnatia u mbyll në barazimin 1-1.

Me këto tri ndeshje është mbyllur dita e sotme, ndërkohë që mbeten nesër edhe dy ndeshje të tjera, Erzeni-Dinamo dhe Laçi-Vllaznia.

Më poshtë po sjellim edhe renditjen provizore, teksa Skënderbeu qëndron në vendin e 7-të me 25 pikë dhe tashmë në fund të tabelës është Kukësi me 19 pikë.

Superliga java e 22-të

03.02.2024 (SOT)

Ora 13:30 Kukësi-Tirana              2-3

Ora 16:00 Partizani-Egnatia       1-1

Ora 16:00 Teuta-Skënderbeu    3-0

04.02.2024 (NESËR)

Ora 13:30 Erzeni-Dinamo

Ora 13:30 Laçi-Vllaznia