KATEGORIA E DYTË: Java e derbit të Prefekturës / Ja kur luhet Devolli-Pogradeci

Kategoria e dytë prodhon këtë javë një ndeshje që është për t'u ndjekur. Të diel në Bilisht, ekipi i Devollit do të presë ekipin e Pogradecit në derbin e Prefekturës.

Dy ekipe që realisht janë nga më të mirat e kësaj kategorie. Të dy ekipet luftojnë për të qenë mes ekipeve të kreut dhe liqenorët janë në ndjekje të Luftëtarit, ekip që është 2 pikë mbi liqenorët.

Por edhe devollinjtë edhe pse kanë diferencë prej pesë pikësh nga Pogradeci kërkojnë të afrohen dhe kështu kanë një mundësi të artë teksa lujnë në fushën e tyre. Kjo përballje mbart emocion edhe për faktin se disa futbollistë të Pogradecit në sezonin e kaluar ishin pjesë e devollinjve.

Të dy ekipet kanë shfaqur hapur ambiciet për të marrë 3 pikë dhe kjo është normale. Të diel në Devoll, ora 13:30 ndeshja Devolli- Pogradeci, një mundësi e mirë për të mos e humbur në shkallët e stadiumit.

JAVA 9 Grupi B

Delvina-Butrinti

Devolli-Pogradeci

Luftëtari-Oriku

Turbina-Maliqi

Këlcyra-Shkumbini